- #EviteMalè - Aprann byen sèvi ak pwodui petwolye yo Se chak jou nou sèvi ak pwodui petrolye tankou dyezèl, gazolin, kewozèn oubyen gaz pwopàn. Nou sèvi ak yo chak fwa n monte moto, monte machin, itilize recho, limen lanp, limen fou. Tout pwodui sa yo itil men yo frajil tou. Yo ka pote bèl malè lè nou pa jere yo kòmsadwa. Lè vapè pwodui sa yo degaje a kontre ak de seri de nivo tanperati, sa ase pou dife mete pye. Pa fè enpridans. Aprann byen sèvi ak pwodui sa yo pou evite malè!
- #EviteMalè - Regleman sou itilizasyon gaz yo egziste pou pwoteje n Pwodui petrolye yo itil men yo frajil anpil. Yo ka eksploze, mete dife, anpwazonnen nou. Yo ka polye lè nap respire a, dlo, tè, ak tout plant oswa bèt ki nan lantouraj nou, sa ki pote yon bann maladi. Konsa tou, yo ka gate veso nou sèvi pou sere yo si l pa fèt espesyalman pou sa. Se pou sa, jan yo estoke, jan yo pote ak jan yo jere pwodui sa yo defini nan tout peyi pou evite gwo malè paske pwodui sa yo pa menm bezwen kole ak dife pou yo eksploze. Regleman sou itilizasyon gaz yo egziste pou pwoteje n. Respekte yo pou evite malè !
- #EviteMalè - Pwoteje tèt nou, timoun yo, vwazinaj nou Gaz se pa pwodui ki fèt pou nou sere anndan kay kote moun ap viv; menm lè se ta nan galon ki fèt espesyalman pou sa. Ni tou, se pa pwodui nou ka sere nenpòt kijan, ni nan nenpòt kondisyon. Sere gaz andan kay se louvri pòt pou tout kalte maladi tankou kansè, pwoblèm respiratwa, vomisman, tèt fèmal, toudisman, pwoblèm je epi sa ka rive tou moun ak bèt ki ap respire gaz la mouri mò sibit, sanzatann, bridsoukou. Pwoteje tèt nou, timoun yo, vwazinaj nou. Pa sere gaz lakay nou pou evite malè !
- #EviteMalè - Pa mete lavi nou ak lavi katye n an danje Anpil jès nap poze nan lavi nou chak jou posib gras ak pwodui petwolye yo: nou deplase, kwit manje, klere kay elatriye. Gaz pwopàn ak kewozèn plis sèvi nan kizin pou fè manje. Kidonk nou dwe veye pou kote n ap fè manje a kite lè pase. Li dwe gen fenèt ak pòt pou move lè pa gonfle anndan kay la epi fè nou malad. Bonbòn gaz la dwe toujou fèmen lè li pap sèvi, menm jan recho gaz dwe etèn epi rete yon kote ki gen van pase menm lè nou pap sèvi avè l. Pa mete lavi nou ak lavi katye n an danje, veye youn lòt pou evite malè !
- #EviteMalè - Jwe patisisyon pa w Dyezèl ak gazolin se nan ponp kote yo vann sa poun achte yo nan bon kondisyon. Anba ponp yo gen règ ki klè, se pou nou suiv yo: etèn motè machin nan lè nap fè gaz, etèn telefòn nou ak radyo nan machin nan. Tout aparèy elektwonik sa yo bay elektrisite ki ka pete gwo dife lè li kontre ak vapè gaz la. Leta dwe veye pou machann manje kwit pa enstale anba ponp yo oubyen mekanisyen k ap fè tout aktivite soude, fè bòdifil anba ponp yo. Nou tout gen patisyon pa n pou n jwe, ann met ansanm pou evite malè !
anarse
Nous sommes prêts et disposés à vous aider, n'hésitez pas à nous poser vos questions ou partager vos remarques.Tous droits réservés.
Réalisation: Métis